Mu’assasada Al-minhaaj Galdogob oo kulan u samaysay qurbajoogta (Masawiro)

Galdogob:-Maalinimadii Isniinta ee ku beegnayd 15/12/2014 ayaa Mu’assasada Alminhaaj Galdogob waxay u samaysay kulan qurbajoogta deegaanka ee ka kala yimid daafaha aduunka, ayadoo lagu jiro fasaxii qaboobaha.

Kulanka ayaa lagu soo bandhigay daraasad ay Mu’assasadu ka samaysay sidii degaanka lagu hormarin lahaa iyo sidoo kale waxqabadkii Mu’assasada mudadii koobnayd oo ay ka shaqaynaysay deegaanka.

Qurbajoogta ayaa dhankooda amaanay oo soo dhaweeyey waxqabadka Mu’assasada soona jeediyey talooyin badan oo wax ku ool ah.

Fursadaha wax ku oolka ah oo uu haysto deegaanka Galdogob ayaa waxaa kamid ah inay jirto jaaliyad balaaran oo daafaha aduunka kala joogta, halka qaarkood qoysasku u dagan yihiin oo ay soo booqdaan xiliyada fasaxa ah, qaarna ay siyaabo kale u yimaadaan.

Qurbajoogta kulanka ka qayb gashay oo ka kala timid Afrika , Ameerika iyo Yurub ayaa aad ugu riyaaqay macluumaadka ay ka heleen kulanka iyo warbixinta soona dhaweeyey kulamada noocaan oo kale ah, waxaana la isku waydaarsaday fikrado ku saabsan sidoo loo xalin lahaa dhibaatooyinka hor taagan horumarka deegaanka, loogana qaybqaadan lahaa kaabayaasha nolosha ee deegaanka, waxayna balan qaadeen inay gaarsiinayaan fariinta Mu’assasada meelihii ay ka yimaadeen.

no images were found

Mu’assasada ayaa dhankeeda ka dalbatay in qurbajoogtu ay khibradahooda iyo aqoontooda uga faaiideeyaan deengaanka.

Mu’assasada Alminhaaj Galdogob
Halgan.net