Wajigii hore ee Nabadaynta 2-da Beelood.(Bahrarsame iyo Qayaad ) oo soo Gabagaboobey

Laascaanood:-Waxaa Galabnimadii maanta soo gabagabeeyey wajigii koowaad ee Nabaynta Beelaha Cabdi Garaad (Qayaad) iyo Maxamuud Garaad (Bahrarsame) ka dib dadaaladii ay wadeen Waxgaradka iyo culimada Deegaanada gobolka Sool iyo Cayn. Maalinimadii shalay waxay la kulmeen Waxgardki iskugu jirey Culimo’udiin iyo Odayaal Dhaqameedka Labada Dhinac , Waxaa ilaa maanta ka saxiixeen xabad Joojin deg deg ah oo ay Joojiyaan dhinacyadda is haya.

Wafdigii Dhexdhexaadinta oo soo marey maanta Deegaanada Dhumey , Labada Kaam ee Gobdheere iyo Qaydar Jeex oo ay Kala degen yihiin Labada Beelood Diritu dhex martey.

Odayaashu waxay ku soo dhameeyeen Wajigi Koowaad ee Nabadaynta In-:

– In ay Joojiyaan Xabada Labada dhinac.

– In Loo Hogaansamo Amarada Gudiga dhexdhexaadinta .

– In Laga war sugo Inta ay Go’aaminayaan Gudiga dhex dhexaadinta .

– In laga Fogaado wax walba oo keeni Kara Isku dhac iwm .

Maalmaha Soo socda waxaa Lagu dhawaaqi doonaa waqtiga Gogosha Nabadeed iyo Madasha lagu qaban doono haddii Alle idmo. Dhinaca kale waxaa maanta mar Labaad si gef ah ay Xabadii ugu dhacdey mid ka mid ah Askarta Khaatumo ee Saaxdheer iyadoo uu marxuumkii uu ku nafwaayey Xabadii sida gefka ah ugu dhacey .

Mawliid Ismaaciil Haradigeed
Lascanood, Halgan.net