Gudoomiyaha Barlamanka Puntland oo gaaray magaalada Boosaaso

Gudoomiyaha Barlamanka Puntland Siciid Xasan Shire ayaa maanta gaaray magalada Bosaaso ee xarunta gobolka Bari waxaana halkaas si diiran ugu soo dhaweeyey Maamulka gobolka, kan degmada iyo mas’uuliyiin ka tirsan Puntland.

Ujeedada Socdaalka Gudoomiyaha Barlamanka Puntland Siciid Xasan Shire ayaa waxaa lagu sheegay inuu yahay ka qayb galka doorashada guddoonka golaha deegaanka degmada Bosaaso oo dhici doonta dhawaan.
Gudoomiyaha Barlamanka Puntland Siciid Xasan Shire ayaa dib uga soo laabtay safar shaqo uu dhawaan ku tagay magaalada Gaalkacyo ee xarunta gobalka Mudug.

Magaalada Boosaaso ee xarunta gobalka Bari ayaa waxaa ka socda Loolan adag waxaana lagu hardamayaa cid noqon lahayd Gudoomiyaha gobalka Bari iyo ku-xigeenkiisa.

Waxaa isla maanta la dhaariyey xubnaha cusub ee golaha deegaanka degmada Bosaaso ka dib munaasabad balaaran oo ka dhacday xarunta gobalka Bari.

M_M Deeq
Halgan.net