Al-shabaab oo dagaal culus oo rogaal celis ah ku qaaday ciidamada DFKM iyo kuwa AMISOM

Muqdisho:-War uu goordhow na soo gaarsiiyey wariyaha Halgan.net ee magaalada Muqdisho ayaa sheegaya in ciidamada Al-shabaab  ay soo qaadeen dagaal  aad u xoogan oo rogaal celis ah kaasi oo sababay in dib loo soo baacsado ciidamada AMISOM & kuwa DFKM.

Dagaalkii saaka ayaa waxaa u suurto gashay ciidamada DFKM iyo kuwa AMISOM in ay galaan  Suuqa xoolaha iyo xeradii Maslax .Dagaal culus ayaa haatan waxaa uu ka soconayaa  inta u dhaxaysa Suuqa Xoolaha & Huriwaa gaar ahaan agagaaraha Isbitaalka SOS & Warshada Baastada iyo goobo badan oo ka mid ah Jidka Warshadaha.

Ciidamada AMISOM ayaa madaafiic xoogan ku garaacayaan goobo badan oo ka mid ah goobaha uu dagaalka ka socdo waxaana socda dagaal culus oo ay qolo walba rabto in ay goobo ku qabsato.

Wariyaha Halgan.net ayaa waxaa uu xiriir la sameeyey mid ka mid ah saraakiisha Al-Shabaab waxaana uu u sheegay in uu dagaal socdo wixii faahfaahin ahna ay soo gudbin doonaan saacadaha soo socda.

A/Cawale
Halgan.net