Dagaal culus oo udhexeeya Al-Shabaab iyo ciidamada Huwanta oo ka socda gobalka Gedo

Gedo:-Wararka naga soo gaaraya magaalada Garbahaaray ee gobalka Gedo ayaa sheegaya in dagaal culus oo ay ka qeyb ka yihiin  diyaaradaha dagaalka ee dalka Kenya ay ka socdaan deegaano ka tirsan gobalka Gedo gaar ahaan deegaanka Lawiille ee gobolka Gobolka Gedo.Dagaalka ayaa qarxay ka dib markii ciidmada huwanta ay baritaarayaan ciidamada Kenya ay weerar soo qaadeen.

Dagaalka ayaa wuxuu ka socdaa haatan inta u dhexeysa Deegaannada Ceel Cadde iyo Dhammase dadka xoolo dhaqatada ah ayaa ka bara kacay waxaana ay ciidamada Kenya iska Ridayaan Madaafiic aan loo meel dayin.

Ciidamada al-Shabaab ayaa difaac culus la galay ciidamada Kenya waxaana ay dib u cesheen laba mar oo ay weerar soo qaadeen .Diyuuradaha dagaalka ayey miciin badaan ciidamada Kenya markii lagu jabiyey dagaalka waxaana warar lagu kalsoon yahay oo soo gaaray Halgan.net sheegayaan in 10 askar ay ka go,doomeen ciidamada Kenya 6 ka mid ah la dilay .

Wariyaha Halgan.net ee gobalka Gedo ayaa sheegaya in dhaqdhaqaaq xoogan iyo dhiilo colaadeed uu ka socdo gobalka Gedo waxaana ay bilaabeen ciidamada Al-Shabaab in ay isku geybiyaan kooxo yar yar oo dhabagal ku sameyn doona ciidamada Kenya .

C/Casiis Maxamed
Halgan.net