Nabadoon Caaqil Suulay oo lagu dilay degmada Ceelwaaq ee Gobolka Gedo

Ceelwaaq:-Askari ka tirsan ciidanka DFKM ee gobolka Gedo ayaa saaka wxaa uu ku dilay degmada Ceel-waaq mid ka mid ah nabadoon caan ka ahaa degmada Ceelwaaq, askarigaan ayaa waxaa uu dood ama muran dhexmaraya Nabadoon ka waxaan ka dib la arkay askariga oo si bareer ah u toogtay oday gaan Nabadoonka ah. Nabadoonka la dilay ayaa waxaa magaciisa lagu sheegay Caaqil Suulay, warar hordhaca oo ka soo baxay dilkiisa ayaa sheegay in askariga dilka ku kacay oo ku hubaysnaa qoriga AK-47 uu nabadoonka uu u dilay aano qabiil.

Ciidanka DFKM ayaa ku guulaystay in ay gacanta ku soo dhiogaan askariga dilka u geystay Nabadoon Caaqil Suulay  waxaan ay ku xireen saldhiga Booliska ee degmada Ceelwaaq.Sarkaal u hadalay ciidanka DFKM aya saxaafada u sheegay in askariga dilka geystay ay dhawaan soo taagi doonaa Maxkamada sharciga lagu qaadi doono.

Waxgaradka ku nool Degmada Ceelwaaq ee Gobolka Gado ayaa aad uga xumaaday dilka Nabadoon Caaqil Suulay , dilka Nabadoonla ayaa ku soo beegmay xili ciidanka DFKM ay la wareegeen degmada Ceelwaaq bil ka hor iyadoo ilaa intii ay ururka Al-shabaab ay gacamta ku hayeen degmada Ceelwaaq aan wax Nabadoonn ah lagu dilin magaalada.

A/cawaale
Halgan.net