.gif)
Afhayeenka ciidamada AMISOM Paddy Ankunda oo hadlay dagaal ka socda Muqdisho
January 20, 2012 - Written byMuqdisho:-Afhayeenka ciidamada AMISOM Paddy Ankunda ayaa saaka waxaa uu shir jaraa,id ku qabtay magaalada Muqdisho gaar ahaan garoonka Aaden Cadde waxaana uu ka hadlay dagaal culus oo ka socda magaalada Muqdisho, Mr.Ankunda ayaa sheegay in ciidamada AMISOM iyo kuwa DFKM ay qabsadeen Qabuurihii Barakaat iyo jaamacadda Muqdisho.
Afhayeenka ciidamada AMISOM, Paddy Ankunda ayaa sheegay in ciidamada AMISOM iyo kuwa DFKM ay ku sugan yihiin qabuuraha Barakaat iyo Jaamacadii Muqdisho oo uu sheegay in ay xaruma u ahaayeen Ururka Al-Shabaab .Paddy Akunda Afhayeenka ciidamada AMISOM ayaa sheegay in khasaaraha soo gaaray ciidamadiisa ay gaarayaan laba askari oo dhaawac ah.
Guusha uu sheegtay Afhayeenka ciidamada AMISOM Paddy Akunda ayaa waxaa meesha ka saaraya wararka ugu danbeeyey ee ka imaanaya magaalada Muqdisho kuwaas oo sheegaya in ciidanka Al-shabaab ay weerar rogaal celin ah ku soo qaadeen ciidamada DFKM iyo kuwa AMISOM uuna ilaa haatan uu wili socdo dagaal culus.
A/Cawale
Halgan.net
