Al shabaab oo ku soo bandhigay 3 Kenyan ah Degmada Baardheere

Wajeer:-Ururka Al-shabaab ayaa maanta ku soo bandhigay fagaare ku yaalla magaalada Baardheere ee gobolka Gedo 3 ka mid ah askarta dalka Kenya kuwaas oo ay ka soo qafaasheen gudaha Degmada Wajeer ka dib dagaal ay ku qaadeen saldhig boolis oo ku yaal  deegaanka Gariley.

Gudoomiyaha Ururka Al-shabaab ee gobalka Gedo Cabbaas Cabdullaahi  ayaa la hadlay dadweynihii u soo daawasho tagay 3nin ee u dhashay dalka Kenya waxaana uu sheegay in ay jawaab u tahay leynta iyo duqeynta ay ciidamada Kenya ka wadaan gobalada J/hoose iyo Gedo.

Al-shabaab ayaa maalin ka hor weerar ku qaaday deegaanka Gariley oo 7 km u jira xadka Kenya ay la leedahay Soomaaliya, waxayna sheegeen in ay soo qafaasheen 3 askari iyo qalab melatri ayna dileen 7 kale .waxay ku goodiyeen in ay sii wadi doonaan weerarada ay ku yaan gudaha dalka Kenya.

A/cawaale
Halgan.net