Ra.iisul Wasaaraha DFKM oo dalka dib ugu soo laabtay kadib booqasho uu ku tegay dalalka Kenya iyo Jabuuti

January 14, 2012 - Written by

Muqdisho, January 14, 2012——Ra’’iisul Wasaaraha DFKM Dr. Cabdiweli Maxamed Cali Gaas iyo wefdigii uu hogaamina yay ayaa maanta dalka dib ugu soo laabtay kadib booqasho ay ku soo mareen dalalka Kenya iyo Jabuuti halkaasoo ay kulamo iyo wadahadalo kula soo qaateen madaxda dalalkaasi.

Ra’iisul Wasaaraha ayaa waxaa maanta garoonka ku soo dhoweeyey Kusimaha Ra’iisul Wasaaraha ahna Wasiirka Ganacsiga Mudane C/wahaab Ugaas Xuseen Ugaas Khaliif iyo boqolaal ruux oo isugu jirtay Wasiiro, Xildhibaano, saraakiisha dowladda, haweenka iyo fanaaniin, wuxuuna R.wasaaruhu salaam gacan qaaday mas’uuliyiintaasi.

Intaasi kadib Ra’iisul Wasaaraha ayaa warbaahinta kula hadlay gudaha garoonka isaga oo xusay in safaradii uu ku tegay dalalka Kenya iyo Jabuuti ay ahaayeen kuwo miro dhal ah isla markaana ay wadahadalo la soo qaateen madaxda dalalkaasi.

“Dalka Jabuuti waxaa ina qaabilay madaxweynaha Mudane Ismaaciil Cumar Geelle iyo Ra’iisul Wasaaraha Mudane Dileyte Maxamed Dileyte, waxaana ka wadahadalnay sidii loo xasilin lahaa dalka, waadna ogtihiin dowladda Jabuuti inay ciidamo ku soo biirisay howlgalka nabad illaalinta ee AMISOM, waxaana isla meel dhignay waxyaabo badan” ayuu yiri R/wasaaruhu isaga oo uga mahadceliyay ciidamada ay ku biiriyeen howlgalka nabad soo celinta dalka.

– DHAMAAD –

Garad Salad Hersi
Communication Director,
office of the PM

Mogadishu, Somalia

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

249,212 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>