Hoyga gudoomiyaha ku meel gaarka ee magaalada Kismaayo oo Bam lagu weeraray

Kismaayo:-Warar lagu kalsoon yahay ee naga soo gaaraya saaka magaalada Kismaayo ayaa sheegaya in xalay Bam Gacmeed lagu tuuray  guriga uu ka degan yahay  Kismaayo Gudoomiyaha ku meel gaarka ee magaalada Kismaayo C/Laahi Khaldaan. Bam Gacmeedka xalay lagu weeraray guriga Gudoomiyaha magaalada Kismaayo ayaa waxaa ku dhaawacmay ilaa 2 ka mid ah ilaalada gaarka ah ee C/Laahi Khaldaan.

Ciidamada Amaanka ee magaalada Kismaayo ayaa howlgalo ay sameeyeen xalay iyo saaka waxay sheegeen in ay ku soo qabteen xubno ay uga shakisan yihiin in ay ka tirsan yihiin Ururka Al-Shabaab waxaana lagu xiray saldhiga magaalada Kismaayo. Xaalada Magaalada Kismaayo ayaa ah mid degan waxaan la filayaa in ay maanta ay soo gaaraan wafdi ka socda IGAD iyo Gudiga Farsamada Maamul u sameynta Jubaland waxaa kale oo ku sugan magaalada Kismaayo siyaasiyiin damac u ka hayo in ay qabtaan Madaxweyne nimada Maamulka Jubaland .

Cabdi Yare
Halgan.net