M/weynaha Puntland oo kormeer ku tagay saaka Dekedda weyn ee magaalada Boosaaso

Boosaaso:-Madaxweynaha Puntland Dr.Cabdiraxman Maxamed Faroole iyo wasiiro ka tirsan golaha xukuumada Puntland ayaa saaka kormeer ku tahay Dekedda weyn ee Magaalada Boosaaso ee xarunta gobalka Bari.

Madaxweynaha Puntland aýaa waxaa kormeerkiisa ku weheliyey Wasiirka Dekeddaha iyo Gaadiidka Badda ee Puntland Eng.Siciid Maxamed Raage ,Wasiirka Maaliyada Faarax Cali Shire ,wasiirka Kaluumeysiga iyo Khayraadka Badda Eng.Maxamed Faarax Aadan ,,agaasimayaasha madaxtoyada  iyo Masuuliin ka tirsan gobalka Bari.

Madaxweynaha ayaa soo eegay dib u habeynta iyo Balaarin lagu sameeyey dekedda Bossaso ,xafiisyada wasaarada dekedaha iyo Gaadiidka Badda ee Puntland  ,wasaaradaha Kaluumeysiga ,Ganacsiga iyo wasaarada  arrimaha gudaha.

Wafdiga Madaxweyna ayaa sidoo kale lagu wadaa in ay kormeer ku tagaan Garoonka Diyaaradaha ee magaalada Boosaaso ee Bandar Qaasim.

Warka oo Faahfaahsan dib baan idiinka soo gudbin doonaa Inshalaah.

M_M Deeq
Halgan.net