Madaxweynihii hore ee Puntland oo si weyn loogu soo dhaweeyey magaalada Boosaaso(Dhageyso)

Boosaaso:-Madaxwanihii hore ee Puntland Gen. Maxamuud Muuse Xirsi Boqor ayaa maanta soo gaaray magaalada Bosaaso ee xarunta gobolka Bari waxaana ku soo dhaweeyey magaalada Boosaaso iyo Isimada ,waxgarad ,waxaana uu sheegay in uu Puntland u yimid in uu ka shaqeeyo isfahansiinta dowlada Puntland iyo mucaaradka.

Gen Cadde Muuse Xirsi ayaa sheegay in Puntland ay leedahay cadow tiro badan aan loo baahneyn in dadka reer Puntland ay dagaalamaan oo ay dhacdo sidii dhacday waagii uu xilka hayey alaha u naxariistee C/laahi Yuusuf Ahmed.

Gen Cadde Muuse ayaa waxaa kale oo la weydiiyey su,aalo badan oo xasaasi ah waxaana uu sheegay in uusan u iman Puntland in uu xil ka qabto balse uu u yimid sidii loo adkeyn lahaa nabadgalayada ka jirta Puntland iyo isfahamsiinta dowlada iyo mucaaradka.

Gen Cadde Muuse Xirsi Madaxweynihii hore ee Puntland ayaa waxaa socdaalka ku weheliya odayaal iyo waxgarad kale oo soo jeeda deegaanada Puntland waxaana la filayaa caawa in kulan wada yeeshaan Madaxweynaha Puntland C/raxmaan Maxamed Faroole oo haatan ku sugan magaalada Boosaaso.

Hoos ka Dhageyso Shirjaraa,id oo uu Madaxweynihii Hore ee Putland Jen Cadde Muuse ku qabtay Garoonka Diyaarada

M_M Deeq
Halgan.net