Nabadoon Cabdullaahi Maxamuud Faarax oo lagu dilay Degmada Ceelbuur

Ceelbuur:-Wararka naga soo gaaray degmada Ceelbuur ee Gobolka Gal-gaduud ayaa sheegay in nin Nabadoon ah oo aad looga yaqaan degaanka Ceelbur  si xun loo dilay oo la gowracay. Allaha uu naxariistee Nabadoon Cabdullaahi Maxamuud Faarax ayaa meydkiisa waxaa la hellay isagoo la gowracay arrinkaas oo dadka degaanka ku noqotay wax ay aad ula yaabeen.

Goob jooge  ku nool degmada Ceelbuur ee Gobolka Gal-gaduud  ayaa saxaafada u sheegay in Nabadoon Cabdullaahi Maxamuud Faarax uu ahaa Nabadoonada aad  looga qadariyo degaanka wax loo dilayna aan ilaa hadda la aqoon.

Degmada Ceel Buur ee Gobolka Gal-gaduud ayaa waxaa ka taliya oo gacanta ku haya Ururka Al-shabaab mana jirto ilaa hadda wax war ah oo ka soo baxay oo ku saabsan dilka foosha xun ee loo geystay allaha u naxariistee Nabadoon Cabdullaahi Maxamuud.

 A/Cawaale
Halgan.net