Xubnaha baarlamaanka DFS oo loo qeybiyey miisaaniyada 2013 ee xukuumada

Muqdisho:-Kulan ay maanta isigu yimaadeen Xildhibaannada baarlamaanka DFS ayaa waxaa  loo qaybiyey miisaaniyad-sanadka soo socda ee 2013 ay ku dhaqeyn doonto xukuumada DFS oo uu hogaamiyo Raisulwasaare Saacid .

Kulanka ay maanta isigu yimaadeen  xildhibaannada DFS ayaa waxaa shirgudoominayey  guddoomiye ku-xigeenka koowaad ee baarlamaanka DFS  Jeylaani Nuur Iikar, waxaana kulanka soo xaadiray ilaa  170-xildhibaan.

Qorshaha Miisaaniyada xukuumada DFS ayaa waxaa baarlamaanka horkeenay Wasiirka maaliyadda iyo qorshaynta ee DFS Maxamuud Xasan Suleymaan waxaana uu ka codsaday xildhibaanada DFS in ay ka doodaan oo wixii ay u arkaan khalad ay soo saxaan .

Baarlamaanka DFS ayaa waxaa la filyaa in uu ka doodo miisaaniyada sanadka soo socda ee 2013 isbuuca soo socda waxaana bishan ku eg  miisaaniyadda ay xukuumaddu haatan ay ku shaqeyso.

A/Cawale
Halgan.net