Banaanbax ka dhan ah DFS iyo shirka Brussels oo ka socda magaalada Baydhabo

Baydhabo:-Banaan bax ballaaran oo looga soo horjeedo madaxada DFS iyo shirka Brussels ayaa ka socda magaalada Baydhabo ee xarunta gobolka Bay,waxaana banaanbaxa ka soo qeyb galay dadweynaha ku dhaqan magaalada Baydhabo ee xarunta gobalka Bay.

Wadooyinka magaalada Baydhabo ayaa waxaa socod ku soo maray dadweyne dhigaya Banaanbax iyaga oo ku qeylinaya hadalo lid ku ah DFS iyo shirka ka socda Brussels waxaana la hadlay dadweynaha mid ka mid ah malaaqyada beelaha Digil iyo Mirifle Malaaq Shiine waxaana uu sheegay in aysan marna aqbali doonin wax walba oo ka soo baxa shirka haatan ka socda magaalada Brussels.

Banaanbaxa ka dhacay magaalada Baydhabo ayaa waxaa soo qabanqaabiyey siyaasiyiin iyo waxgarad ku mashquulsan dhisida Maamul gobaleed ay ku magacaabeen Koofur Galbeed Soomaaliya. waana Banaanbixii labaad oo looga soo horjeedo DFS oo isla bishaan gudaheeda ka dhaca magaalada Baydhabo.

A/Cawale
Halgan.net