Ciidamo daacad u ah Godane oo la sheegayo in ay dileen Abu Mansuur Al-Amriki

Baydhabo:Warar naga soo gaaraya gobalka Bay ayaa sheegaya in saaka ciidamo daacad u ah Axmed Godane ay weerar ku qaadeen howdka Raam-cadey halkaas oo ay ku dhuumaaleysanayeen Abu Mansuur Al-Amari ,Usaama Al-Britaani iyo Khadaab Al-Masri.oo ay ku raadjoogeen ururka Al-Shabaab.

Ilaa haatan waxaa soo baxaya warar kala duwan waxaana iskahorimaad culus uu ka dhacay deegaanka Raama-Cadey wararka aan wili la hubin ayaa sheegaya in la dilay Abu Mansuur Al-Amiki iyo Usama Al-Britaani ,halka uu dhaawac soo gaaray Khadaab Al-Masri.

Halgan.net ayaa xiriir kala duwan la sameysay ilo wareed ku dhow Al-Shabaab oo ku sugan gobalada Bay iyo Bakool iyo Degmada Baraawe ayaa u xaqiijyey in iska horimaadku dhacay ayna ku dhinteen rag ka dhinac dagaalami jiray ururka Al-shabaab oo iskugu jira Soomaali iyo Muhaajiriin, warka iska horimaadka ayaan dib idinkaga soo gudbin doonaa insha Allaah.

C/Casiis Maxamed
Halgan.net