.gif)
Madaxweynaha DFS Xasan Sh Maxamuud oo ka hadlay dilka Abu Mansuur Al-Amriki
September 17, 2013 - Written by Editor
Brussels:-Madaxweynaha DFS Xasan Sheekh Maxamuud ayaa markii ugu horeysay ka hadlay dilka Abu Mansuur Al-Amriki iyo khilaafka ka dhex aloosan Ururka Al-Shabaab taas oo keentay in ay saraakiil muhiim ah iska khaarajiyaan. Madaxweynaha DFS Xasan Sh Maxamuud ayaa ka hadlay dilka Abu Mansuur mar uu wareysi siiyey Idaacada VOA qeybteeda Afka Soomaaliga wuxuu sheegay in raga Muhaajiriinta ah ee lagu dilay gudaha soomaaliya ay muujinayso in awoodii Ururka Al-Shabaab ay bur burtay ayna haatan iyagii dib isigu noqdeen waxaana uu yiri”Marka ay guuldaro Milatari timaado waxaa bilawda far isku fiiq iyo khilaaf ”
Madaxweynaha DFS Xasan Sheekh ayaa sheegay in uu maqlay dilka Abu Mansuur Al-Amriki iyo Usama Biratani oo ciidamo ka tirsan amniyaadka Al-Shabaab ee ka amar qaata Ahmed Godane ay ku dileen howdka Raam-cadey wuxuuna intaas raaciyey in Al-Shabaab ay sidoo kale rag Saraakiil ah oo Soomaali ah ay isaga ku dileen Degmada Baraawe ee Gobalka Shabeelaha Hoose sida Ibraahim Afgan iyo Macalin Burhaan.
Ururka Al-Shabaab ayaan wili wax war ah ka soo saarin dilka Abu Mansuur Al-Amriki iyo Usama Biratani taas oo ilaa haatan lala yaaban yahay xili ay afhayeenadooda ka hadlayaan qaraxii lala eegtay Ahmed Madoobe iyo Shirka shalay lagu soo afmeeray magaalada Brussels.
A/Cawale
Halgan.net
