Mid ka mid ah Ergadii Sh Xasan Daahir ka keentay Cadaado oo lagu dilay Muqdisho

Muqdisho:-Waxaa saaka lagu dilay magaalada Muqdisho gaar ahaan xaafada Taleex ee magaalada Muqdisho Faarax Shidane oo ka mid ahaa Odayaashii Dhaqanka ee Sh.Xasan Daahir Aweys ka keentay Degmada Cadaado waxaana dilay koox hubeysan oo aan ilaa haatan la aqoon heybtooda. Mid ka mid ah qaraabada Faarax Shidane oo la yiraahdo Suldaan Mahdi ayaa dilkiisa u xaqiijiyey warbaahinta ka howlgasha magaalada Muqdisho waxaana uu sheegay in uusan ilaa haatan aqoon cida dishay iyo sababta loo dilay kooxda dilka geysatay ayaa goobta isaga baxsaday.

Ciidamada DFS iyo kuwa AMISOM ayaa soo gaaray xaafada Taleex waxayna bilaabeen howlgalo ay baarayaan goobta uu dilka ka dhacay waxaana ay gacanta ku soo dhigeen dhowr qof oo looga shakisan yahay dilka Faarax Shidane ((Faarax Yare).Fa

Faarax Shidane ayaa wuxuu ka mid ahaa odayaashii dhaqanka beelaha H/gidir ee dhamaadkii bishan June ku guuleystayin in ay Sheekh Xasan Daahir Aweys yimaado magaalada Muqdisho. Sheekh Xasan Daahir Aweys ayaa waxaa uu u xiran yahay DFS waxaana ilaa shalay soo baxayey in DFS ay geynayso Maxkamad waloo arinkaas aysan ka hadal qaraabada Sheekh Xasan Daahir iyo masuuliinta DFS.

Cabdi Yare
Halgan.net