Taliyaha Ciidanka Booliska DFS Jen Saacid oo gaaray magaalada Baladweyne

Hiiraan:-Taliyaha Ciidanka Booliska DFS Jen C/xakiin Daahir Saacid iyo wafdi saraakiil ah oo uu horkacyo ayaa maanta gaaray magaalada Baladweyne ee Xarunta Gobolka Hiiraan.waxaana garoonka diyaaradaha ee Ugaas Khaliif ku soo dhaweeyey Maamulka gobalka iyo saraakiil ka tirsan DFS iyo kuwa AMISOM.

Taliyaha Ciidanka Booliska DFS Jen C/xakiin Daahir Saacid iyo wafdi saraakiil ah ee la socda ayaa waxaa ay haatan kulamo la leeyihiin Saraakiisha Booliska, Melitariga, kuwa AMISOM iyo masuuliinta gobalka Hiiraan waxaana ay ka wada hadli doonaan amaanka guud ee gobalka Hiiraan iyo sidii loo adkeyn lahaa.

Amaanka guud ee magaalada B/weyne ayaa aad loo adkeeyey waxaana magaalada meel walba xirtay ciidamo ka tirsan DFS iyo ciidanka Jabuuti ee qeybta ka ah ciidanka Midowga Afrika ee AMISOM lama yaqaan inta maalmood oo uu Taliyaha Ciidanka Booliska DFS Jen C/xakiin Daahir Saacid uu joogi doono magaalada B/weyne.

C/Casiis Maxamed
Halgan.net