Weerar xoogan oo lagu qaaday ciidamada Booliska ee Degmada Mandheera

Mandheera:-Wararka naga soo gaaraya Magaalada Mandheera ee Gobolka W/bari dalka Kenya ayaa sheegaya in dabley hubeysan ay weerar ku qaadeen xalay Saldhiga booliska ee Degmada Mandheera waxaana halkaas ka dhashay khasaaro kala duwan oo gaaray ciidanka Booliska ee ku sugnaa Saldhiga.

.
2 askari oo ka tirsan ciidanka Booliska dalka Kenya ayaa ku dhintay Iska hor imaad dhexmaray kooxda weerarka ku qaaday saldhiga Booliska iyo ciidanka amaanka waxaa kale oo weerarka ku dhaawacmay askar kale iyadoo la gubay dhowr gaari oo ay lahaayeen ciidanka Booliska Degmada Mandheeera.

Ciidamo aad u badan ayaa soo gaaray goobka uu ka dhacay weerarka waxaana la xiray xadka ay wadaagaan Soomaaliya iyo Kenya. Wixii warar ah ee soo kordha kala soco Halgan.net

A/Cawale
Halgan.net