Xildhibaano ka tirsan DFS oo gaaray magaalada Baydhabo

Baydhabo:-Waxaa maanta gaaray magaalada Baydhabo ee xarunta gobalka Bay xildhibaano ka tirsan baarlamanka DFS oo ay shalay labo maalmood u qabteen malaaqyada beelaha Digil iyo Mirifle ee gobalada Bay iyo Bakool in ay magaalada Baydhabo yimaadaan .Magaalada Baydhabo ee xarunta gobalka Bay ayaa waxaa maalmahaan ka socda dhismaha Maamul gobaleed lagu magacaabo Koofur Galbeed Soomaaliya ,waxaana shalay ka dhacay magaalada Baydhabo Banaanbax looga soo horjeedo shirka Brussels iyo madaxada DFS.

Warar aan la xaqiijin wili ayaa sheegay in Gudoomiyaha Baarlamaanka DFS Maxamed Cusmaan Jawaari uu ku sii jeedo magaalada Baydhabo .Khilaaf u dhaxeeya DFS iyo siyaasiyinta iyo waxgaradka gobalka Bay iyo Bakool ayaa soo if baxay ka dib markii DFS iyo Maamul Juba ay heshiiskii ku gaareen magaalada Adis ababa ee xarunta dalka Itoobiya.

A/Cawale
Halgan.net