.gif)
Abaanduulaha ciidanka xoogga dalka Soomaaliya oo gaaray magaalada Kismaayo
April 17, 2014 - Written by Editor
Kismaayo:-Wararka naga soo gaaraya magaalada Kismaayo ee xarunta gobalka J/hoose ayaa sheegaya in saaka uu Abaanduulaha ciidanka xoogga dalka Soomaaliya jeneraal Cabdirisaaq Khaliif Cilmi iyo saraakiil uu horkacayo ay gaareen magaalada Kismaayo ee xarunta gobolka Jubbada hoose.
Abaanduulaha ciidanka xoogga dalka Soomaaliya jeneraal Cabdirisaaq Khaliif Cilmi ayaa inta uusan ka dhoofin garoonka diyaaradaha magaalada Garbahaarrey ee xarunta gobolka Gedo wuxuu sheegay in kismaayo uu u tagayo arrimaha dib-u-heshiisiinta ee ka socda magaalada Kismaayo.
Jeneraal Cabdirisaaq Khaliif Cilmi ayaa kulamo kala duwan la yeelan doona saraakiisha ciidamada DFS ee ku sugan Kismaayo.Wararka ka imaanaya magaalada Kismaayo ee xarunta gobalka J/hoose ayaa sheegaya in Raisulwasaaraha DFS Cabdiweli Sheekh uu u yeeray Jeneraal Cabdirisaaq Khaliif Cilmi Abaanduulaha ciidanka xoogga dalka Soomaaliya .
A/Cawale
Halgan.net
