Deegaanada Puntland oo laga iclaamiyey maalinta birito ah roob doon .

Garoowe:-Wasiirka Wasaaradda Cadaaladda Dowladda Puntland  Ismaaciil Maxamed Warsame ayaa maanta si rasmi ah u iclaamiya in maalinta birito ah oo isniin ah lagu qaban doono dhamaan deegaanada Puntland Roob doon.

Ismaaciil Maxamed Warsame  Wasiirka Wasaaradda Cadaaladda Dowladda Puntland   oo wareysi gaar ah siiyey Radio Garoowe ayaa waxaa uu ugu baaqay dhamaan dhacabka Puntland in ay maalinta Isniinta isigu soo baxaan roobdoon  si alle loo baryo loona weydiisto raxmadiisa.

Deegaano ka mid ah Puntland ayaa waxaa laga dareemayaa  roob la’aan xiligi  lagu gudo jiro Gugga  waxaana uu wasiirku sheegay  in ay culumada iyo dhamaan Masaajida gaarsiiyeen xiliga la qabanayo roob doonka

Dhanka kale Wasiirka Wasaaradda Cadaaladda Dowladda Puntland  ayaa waxaa uu ka waramay xaalada xabsiyada Puntland wuxuuna sheegay in ay wanaagsan tahay wuxuuna kaloo sheegay in maxaabiistii  ka baxsatay xabsiga Boosaaso wili lagu dabo jiro

M_M Deeq
Boosaaso