Kenya oo Qunsul cusub u soo dirtay magaalada Kismaayo (Masawiro)

Kismaayo:-Wararka ka imaanaya magaalada Kismaayo ee xarunta gobalka J/hoose ayaa sheegaya in dowlada Kenya ay maanta qunsul cusub u soo magacaawday maamulka KMG ah ee Jubba waxaana wafdiga ku soo dhaweeyey garoonka diyaaradaha ee magaalada Kismaayo saraakiil ka tirsan Maamulka Juba.

Madaxweynaha Maamulka Juba Axmed Maxamed  Islaam (Axmed Madoobe ) ayaa kulan kula qaatay qunsul cusub  ee dowlada Kenya ay u soo magacaawday deeganada Maamulka Juba waxaana ay ka wada hadleen xiriirka maamulka Juba iyo dowlada Kenya.

Qunsulka cusub ee dowladda Kenya Hillary kyengo  ayaa saxaafada la hadlay waxaana uu sheegay in uu ku faraxsan yahay in uu soo gaaro magaalada Kismaayo.

Madaxweynaha Maamulka Juba Axmed Maxamed  Islaam (Axmed Madoobe )ayaa  ugu mahad celiyey dowlada Kenya qunsulka ay u soo direen magaalada Kismaayo iyo ciidamada Kenya ee taageero siiyey cidanka DFS ee ka saaray Al-Shabaab magaalada Kismaayo.

no images were found

Magacaabista Qunsulka cusub ee dowladda Kenya ee deeganada Juba ayaa waxaa uu ku soo aadayaa xili qunsulka DFS u fadhiya dowlada Kenya la xiray taas oo khilaaf ka dhex abuurtay madaxada DFS iyo dowlada Kenya.

Dowladaha dariska la ah Soomaaliya ayaa wakiilo iyo Qunsuliyado u soo magacaawday Maamulka S/land , Puntland iyo Maamulka Juba.

A/Cawale
Halgan.net
Isha Masawirada Dhanaan.com