Khudbadii Jimce ee Masjidka Al-Rowda ee Boosaaso Sh.Daahir Aw Cabdi.[Dhagayso]

Boosaaso:-Sheekh.Daahir Aw Cabdi oo ka mid ah Culimada waaweyn ee dalka Soomaaliya aadna loogu xasuusto Masjidkii Ceel hindi ee magaalada Muqdisho ayaa mar kale maanta waxaa uu ka jeediyey khudbadii Jimce Masjidka Rowda ee magaalada Boosaaso isagoo Sheekhu uu ka hadlay in Khilaafada Islaamiga ay soo laaban doono haddii alle idmo dad kuna ay bishaaraystaan ayna ku dadaalaan in ficilkooda ay waafajiyaan Shareecadda Islaamka.

Sheekh.Daahir Aw Cabdi ayaa dadweynihii Khubadda dhagaysanayey dareensiiyey qaabka ay cadawga Islaamku ay gudaha iyo dibada uga dumiyeen khilaafadii Islaamka ilaa haddana aysan u ogalayn in dowladdii Islaamku ay dib u soo laabato oo dadka muslinka ah ay ku noolaadaan sharaf iyo haybad.

Sheekh.Daahir Aw Cabdi ayaa ku booriyey in dhamaan umada Islaamka oo dhan meel walba oo ay joogaanba in laga doonayo in ay raadi yaan oo ku dadaalaan in ay dib u soo noqoto Dowladdii Islaamka oo aan loo qaadan oo kaliya in koox ama culimo ay howshaas u taal taasna ay tahay khalad.

Sheekh.Daahir Aw Cabdi ayaa dhinac kale xusay in ay khalad ay tahay oo aan wax guulaha la gaari karin ilaa loo laabo dariiqii toosnaa ee Salafka ee Nabigeenu Naxariis korkiisa ha ahaatee uu baray una dhaliyeen dowladdii Islaamka qofkii ama kooxdii khilaaftan ay iyaga oo meel dhexe maraya ay arrimahoodu ay ku dhamaan doonaa fashil iyo burbur.

Hoos ka Dhageyso Khudbadii Jimcaha ee Masjidka Al-Rowada Sh. Daahir Aw Cabdi

Halkaan ka Dhagayso Mp3