Madaxweynaha Puntland oo ka hadlay dilkii ka dhacay Garoonka Diyaaradaha ee Gaalkacyo

Gaalkacyo:-Madaxweynaha Dowlada Puntland Dr.C/wali Maxamed Cali Gaas ayaa waxaa uu ka hadlay dhawaan dilkii loo geystay Saraakiil ka tirsan  hay’adda Qaramada Midoobay UNODC oo saaka uu Garoonka diyaaradaha C/llaah Yuusuf ee Gaalkacyo uu ku dilay askari la sheegay in uu ka tirsanaa Ilaalada Garoonka.

Madaxweynaha Dowladda Puntland Dr.C/wali Maxamed Cali Gaas ayaa saxaafadda u sheegay in falka dilka ah loo hayo labo ruux ayna socdaan baaritaan markii baaritaanku ay soo dhamaadaan ay saxaafaddu helli doonto wax ka soo baxa baaritaanka.

Madaxweynaha Dowladda Puntland Dr.C/wali Maxamed Cali Gaas ayaa sheegay in Puntland ay tahay nabad ayna aqbli doonin  in amni xumo laga sameeyo cid walba oo isku dayada arrinkaasna ay la dagaalami doonaan.

Ugu danbayntii ayaa Madaxweynaha Dowladda Puntland Dr.C/wali Maxamed Cali Gaas ayaa waxaa uu tacsi gaar ah u diray eheladdii Saraakiisha lagu dilay saaka Garoonka Cabdulaahi Yuusuf ee Gaalkacayo isagoo xusay in falalka noocaan oo kale ah ay ka dhacaan aduunka intiisa kale.

M_M_Deeq
Halgan.net