Roobdoon sii weyn loo agaasimay oo ka dhacday Waqooyiga caasimada Puntland ee Garowe.

Garoowe:-Roobdoontaan oo ay horay ugu baaqeen wasaarada diinta iyo owqaafta Puntland iyo hay’adda Al-minhaaj dacwada iyo horumarinta faraceeda gobolka Nugaal ayaa saaka ka dhacaday magaalada Garoowe waxaan ka soo qayb galay dadweyne kor u dhaafaya 1000 qof.

Salaada Roobdoonka ah oo ahayd 2 Rakco ayaa waxaa tujiyey Sh Maxamuud Xaaji Yuusuf yadoo salad Roobdoonta ay ka soo qayb galeen kana hadleen culima owdiin magac ku leh bulshada dhexdooda , Issimo, Wasiiro iyo masuuliyiinta Gobolka Nugaal.

Sh Maxamuud Xaaji Yuusuf oo la hadlay dadweynaha markii salad la tukaday a dib ayaa waxaa uu ugu baaqay in ay Alle u toobad keenaa isna cafiyaan wixii wanaag ahna ay isku kaalmaystaan, Sh Maxamuud ayaa sheegay in ay muhiim tahay in dadku ogaadaan in wixii ciqaab ah oo nagu dhacay ay gacmahood u kasbadaan loona baahan yahay in alle loo laabto.

Sidoo kale waxaa goobta ka hadlay wasiirka diinta iyo owqaafta dowladda Puntalnd Ismaaciil Maxamed Cali oo umada ugu baaqay in ay ilaahood baryaan iskuna naxariistaan si ilaah ugu naxariisto.

Waxaa ugu danbayntii goobta ka hadlay Islaan Ciise Islaam Muxamed waxaana uu bulshada ugu baaqay in ay si dhab ah ilaahood u baryaan waxaana islaanku ugu danbayn tii halkaas kasoo jeedshay duco aad u qiimi badan.

no images were found

Isku soo duube roobdoontaan ayaa la soo gabagabeeyay iyadoo mudo dheer ay dadweynuhu ay taagnaayeen qoraxda waxaana halkaas ka dhacday is cafis iyo is marxabayn waxaana dhamaan bulshadu illaahood ka rajaynayeen in illaah soo waraabiyo.

Halgan.net
Garowe, Somalia