Wafdi uu horkacayo Taliyaha ciidanka booliska Puntland Jen Jaqanaf oo gaaray Muqdisho

Muqdisho:-Wafdi uu hogaaminayo taliyaha ciidanka booliska dowladda Puntland Jen Maxamed Siciid Jaqanaf ayaa maanta gaaray magaalada Muqdisho waxaana ujeedada socdaalkiisa lagu sheegay in uu ka qeybgali doono shir looga hadlayo amniga qaranka Soomaaliya waxaana Jen Maxamed Siciid Jaqanaf ku sii sogootiyey magaalada Garoowe madax ka tirsan Puntland.

Wafdiga uu horkacayo taliyaha ciidanka booliska dowladda Puntland Jen Maxamed Siciid Jaqanaf ayaa waxaa wafdigiisa ka mid ah saraakil ka tirsan laamaha kala duwan ee ciidanka Puntland sida kuwa Daraawiishta,Ciidanka Nabadsugida Puntland PIA,

Shirka ka furay maanta magaalada Muqdisho ayaa Madaxweynaha DFS Xasan Sheekh Maxamuud ayaa waxaa looga hadli doonaa amaanka guud ee dalka Soomaaliya .

Madaxweynaha DFS ayaa khudbad dheer ka jeediyey shirka waxaana uu ugu baaqay shacabka Soomaaliya in ay garab istaagaan ciidanka amaanka wuxuuna digniin u diray ciidamada DFS ee qaar ka mid ah ay isbaarada dhiganaya wuxuuna sheegay in ay ula dagaalami doonaan sida ay Al-Shabaab ula dagaalamayaan.

M_M Deeq
Halgan.net