Iska horimaad u dhexeeya ciidamo ka wada tirsan DFS oo ka dhacay magaalada Muqdisho

Muqdisho:-Wararka ka imaanaya magaalada Muqdisho ayaa sheegaya in Iska horimaad kooban oo mudo socday uu ka dhacay afaafka hore ee Dekeda magaalada Muqdisho kaas oo u dhexeeya ciidanka Booliska DFS iyo kuwa Nabad Suggida , wuxuuna geystay khasaaro leh dhimasho iyo dhaawacba.

Iska horimaadaka ayaa bilaawaday ka dib markii ciidanka Nabad Suggida DFS ay ku amreen ciidanka Booliska in ay qaadaan Isbaaro u tiil afaafka hore ee Dekeda waxaana arinkaas ka biyo diiday ciidanka Booliska ka dibna waxaa bilaawday iska horimaad la isku adeegsaday hubka noocyadiisa kala duwan.

Iska Horimaadka maanta ka dhacay afaafka hore ee Dekeda magaalada Muqdisho ayaa waxaa ku dhintay afar  askari oo 3 ka mid ah ay yihiin kuwa Nabad Suggida.

Ma aha markii ugu horeysay ay magaalada Muqdisho ku dagaalamaan ciidamo ka wada tirsan DFS waxaana ilaa haatan ay madaxada iyo saraakiisha sare ee DFS ay xal u wayeen iska horimaadka mar wal walba dhexmara ciidanka DFS.

A/Cawale
Halgan.net