.gif)
Kulan lagu hadlayo dhismaha Benderqaasim International Airport oo lagu qabtay Bosaaso[Cod/Masawiro]
October 21, 2014 - Written by Editor
Boosaaso:-Waxaa maanta lagu qabtay hoolka shirarka garoonka diyaaradaha Benderqaasim ee magaalada Bosaaso ee xarunta Gobolka Bari kulan looga hadlayo qorshaha lagu dhisayo garoonka oo maalmo ka hor ay Enjineerdii dhisi lahaa garoonka ay soo gaareen magaalada Boosaaso. Kulanka ayaa waxaa ka soo qayb galay wasiirka duulista hawada iyo garoomada dowladda Puntland Xassan Xaaji Siciid , wasiiru dowlaha amniga Puntland Maxamuud Beeldaaje Faarax, gudoomiyaha gobolka Bari Cabdisamad Yuusuf Gallan, duqa magalaada Bosaaso iyo qaar ka mid ah Nabadoonada Gobolka Bari.
Wasiirka duulista iyo garoomada Xassan Xaaji Siciid dowladda Puntland ayaa sheegay in maalmaha soo socd uu si rasmi ah u bilaaban doono dhismaha garoonka diyaaradaha ee Benderqaasim isagoo ku booriyey bulshadii ka soo qayb gashay kulanka in ay la shaqeeyaan laamaha amniga gaar ahaan Ciidamada.
Wasiirka duulista iyo garoomada Xassan Xaaji Siciid dowladda Puntland ay ugu danbayntii xusay in ay diyaar yihiin shaqaalihii dhisi lahaa garoonka iyo weliba qalabkii lagu dhisi lahaa.
no images were found
Hoos ka Dhagayso Wasiirka duulista iyo garoomada Xassan Xaaji Siciid dowladda Puntland oo kulanka ka hadlay [audio: http://k007.kiwi6.com/hotlink/xbah32gw9h/Xasancade.mp3]
M_M_Deeq
Halgan.net
