Madaxweynaha Jubba Axmed Madoobe oo lagu soo dhaweeyey Raaskaambooni

Kismaayo:-Madaxweynaha Jubba Axmed Maxamed Islaan (Axmed Madoobe) ayaa maanta si weyn loogu soo dhaweeyey degmada Raaskaambooni ee Gobalka Jubada hoose.

Madaxweynaha maamulka Juba ayaa waxaa socdaalkiisa ku weheliyey saraakiil ka tirsan Maamulka Juba waxaana ujeedda socdaalkiisa lagu sheegay in uu tababar u soo xirayo ciidamo ka tirsan maamulka Juba kuwaas ku sugan Raaskaambooni.

Madaxweynaha maamulka KMG ee Jubba ayaa waxaa kulamo kala duwan uu la qaatay Odayaasha iyo waxgaradka Raaskaambooni wuxuuna ku booriyey in laga shaqeeyo amaanka

Madaxweynaha Maamulka Jubba ayaa waxaa uu horey kormeer kan la mid ah uu ku tagay magaalada Dhoobley wuxuuna halkaas kula kulmay qeybaha kala duwan ee bulshada ku nool Degmada Dhoobley

A/cawale
Halgan.net