Madaxweynaha Puntland oo la kulmay wafdi ka yimid dalka Swedan[Masawiro]

Garoowe:-Madaxwaynaha Dowladda Puntland Dr.C/weli Maxamed Cali Gaas ayaa maanta Aqalka Madaxtooyada Dowladda Puntland ee Garoowe kula Kulmay Wafti Balaaran oo ka yimi Dalka Sweden kuwaasi oo ka soo kictimay Gobolka Gutenberg ee Dalkaasi.

Waftigaan waxaa kamid ahaa Ninka Lagu magacaabo Anders Lygdman oo kamid ah madaxda hay’adda Region Vastra Gotaland iyo Camilla Nasuland oo ah Madaxa Mashaariicda Horumarinta ee Gobolka Gutenberg iyo sidoo kale Tomas Magnusson oo ah Agaasimaha Mashaariicda ee Gobolka Gutenberg.

QODOBADII LAGA WADA HADLAY WAXAA KAMID AHAA :-

1.Sidii Shaqo Abuuris loogu samayn lahaa Dadka Reer Puntland ee ku nool Gobolka Gutenberg ee Wadanka Sweden,islamar ahaantaasna Muwaadiniintaasi reer Puntland ay Puntland Gudaheeda looga Howlgalin lahaa .

2.Sidii loo mataanayn lahaa Magaalooyinka Gaalkacyo iyo Gutenberg ee Wadanka Sweden,taasi oo qayb ka noqonaysa Horumarinta Guud ahaan Magaalooyinka Puntland .

Dhamaan qodobadaasi waa laysku afgartay sidii loo dhaqan gelin lahaa, waxaana uu Madaxwayne Gaas kula dardaarmay Masuuliyiintaasi in ay ku dadaalan sidii dhankooda ay uga qayb qaadan lahaayen Horumarka Balaaran ee ka socda Puntland isla marahaantaana ay gacan buuxda uga geysan lahaayeen kobcinta dhinaca mashaariicda ee ka bilowday Puntland.

-DHAMMAAD-

Xafiiska Warfaafinta,Wacyigelinta,Hiddaha Iyo Dhaqanka ee Madaxtooyada Puntland