.gif)
Madaxweynaha Puntland oo la kulmey Jaaliyadaha Puntland ee Yurub
October 23, 2014 - Written by Editor
London:-Madaxweynaha Puntland Dr. C/wali Maxamed Cali Gaas ayaa London kula kulmey qaar ka mid ah madaxda jaaliyadaha ku nool qaaradda yurub oo booqasho ugu yimid. Madaxweynuhu wuxuu ka qayb galay shirweynihii maalgashiga Afrika “ Global African Investment Summit” ee ka dhacay Magaalada London – 20-21 Oktoobar 2014
Jaaliyaduhu waxay kulankaas madaxweynaha usoo gudbiyeen warbixinno iyo talooyin dhinacyo badan taabanaya. Prof. Gaas waxaa uu ammaan u soo jeediyey jaaliyadaha puntland ee dibadda ku nool , sida hagar la’aanta ah oo ay uga qeyb qaataan horumarka puntland. Wuxuu carabka ku dhuftay qaybtii libaaxeed ee ay ka soo qaateen daadadkii iyo roobabkii dhibaatada baaxadda weyn lahaa ay soo gaarsiiyeen dadkii, duunyadii, waddooyinkii iyo buuntooyinkii puntland. waxaana uu kula dardaarmey in ay sii wadaan wax u qabadka iyo horumarinta dalkooda iyo dadkooda.
Ugu dambeyntii waxaa ay ku soo gabagabootay kulankaas isfahan iyo in laga wada shaqeeyo hurumarinta Puntland.
Farah Yassin Osman
