Magaalada Muqdisho oo si weyn looga ciiday (Masawiro)

Muqdisho:-Magaalada Muqdisho ayaa maanta si weyn looga ciiday munaasabada Ciidul adxa, waxaana si weyn loo adkeeyey amaanka guud ee magaalada Muqdisho iyo agagaarka Masjidka weyn ee Isbaheysiga Islaamka.

Madaxada DFS ayaa waxaa ay kula tukadeen kumanaan shacab ah oo soo camirtay salaadii ciidul adxada Masjidka Weyn ee Isbaheysiga Islaamka waxaana ka mid ahaa madaxdaas ku-simaha Madaxweynaha ahna Gudoomiyaha Baarlamaanka Maxamed Sh Cismaan Jawaari, Ra’iisul Wasaare Cabdiweli Sheikh, Wasiiro iyo masuuliyin kale oo ka tirsan labada gole ee DFS.

Kusimaha Madaxweynaha oo salaada kadib hadal kooban  jeediyey ayaa u hambalyeeyay dhamaan umadda Soomaaliya, waxaana uu u rajeeyay in ay si farxad iyo nabad ku wada ciidaan shacabka Soomaaliyeed meel walba ay joogaan.

no images were found

Shacabka ku dhaqan magaalada Muqdisho ayaa ka reystay Madaafiicdii ku dhul dhacayey oo ay is weydaarsan jireen Al-Shabaab iyo kuwa AMISOM ka dib markii Al shabaab ka baxeen  magaalada Muqdisho balse waxay wili la daalaa dhacayaan dilalka gaadmadaha ah ay geystaan kooxaha amniyaadka Al-Shabaab waloow ay aad u yaraadeen.

A/Cawale
Muqdisho