Ra’iisul Wasaaraha DFS oo saaka u ambabaxay magaalada Qardho ee xarunta gobolka Karkaar.

Qardho:-Ra’iisul Wasaaraha Dowladda Federaalka ee Soomaaliya C/weli Sh.Axmed iyo wafdi uu hogaaminaayo ayaa saaka u ambabaxay magaalada Qardho ee xarunta gobolka Karkaar. Safarka wafdiga Ra’iisul Wasaaraha ay ugu ambabaxeen magaalada Qardho ee xarunta gobolka Karkaar ayaa waxaa ku weheliya Madaxweynaha Dowladda Puntland Dr Cabdiweli Maxamed Cali (Gaas), Madaxweyne kuxigeenka C/xakiim Camay iyo masuuliyin kale.

Ra’iisul Wasaaraha Dowladda Federaalka ee Soomaaliya Cabdiweli ShAxmed  ayaa  socdaalkiis magaaada Qardho waxaa uu u jeediisa yahay in uu salaan ugu tago Boqorka Beelaha Daarood Boqor Burhaan Boqor Muuse.

Magaalada Qardho ayaa si weyn saaka looga dareemaya qaban qaabada la doonayo in lagu soo dhoweeyo wafdiga Ra’iisul Wasaaraha DFS Cabdiweli Sheikh, oo saacadaha soo socda soo gaari doona magaalada Qardho.

M_M_Deeq
Halgan.net