Wasiiro iyo culimo’udiin maanta booqday Buundada Midigar ee Sunijiif [Masawiro]

Garoowe:-Wasiiro ka tirsan dowladda Puntland iyo culimo’udiin ayaa saaka booqasho ku tegay Buundada Midigar ee Sunijiif oo dhawaan iskaasha dhinaca shacabka Puntland oo ay hogaan u yihiin culimada iyo dowladda Puntland ay ku guulaysteen in ay dhisaan.

Wasiiradda Puntland iyo culimo’udiinka ayaa socdaalkooda waxaa uu ku saabsanaa in ay kormeeraan dhismaha cusub ee Buundada Midigar ee Sunijiif iyo in ay eegaan qaabka ay biyaha roobabkii da’ayey ay marayaan. Wasiiro ka tirsan dowladda Puntland iyo culimo’udiin ayaa waxaa socdaalkooda ku weheli yey Enjineero iyo waxgarad kormeerayey qaabka ay biyaha roobku oo ahaa kuwo xooggan ay uga gudbayaan Buundada Midigar ee Sunijiif.

Wasiirka Warfaafinta dowladda Puntland C/weli Xirsi Indhaguran oo socdaal kooda ka dib la hadlay saxaafadda ayaa sheegay in wax lagu mahadiyo Alle ay tahay dhismaha Buundada Midigar ee Sunijiif oo si wanaagsan loo dhisay.

Dhinac kale Sh.Cabdiqani Qorane Maxamed oo ka mid ahaa wafdiga maanta tegay Buundada Midigar ee Sunijiif ayaa sheegay in Alle mahadiis in ay san jirin wax cabsi ah oo laga qabin biyaha Roobka in ay waxyeelo u geystaan Buundada.

Sh.Cabdiqani Qorane ayaa sidoo kale xusay in dhismaha Buundada Midigar ee Sunijiif ay iska kaashadeen dowladda puntland iyo shacabka taasna ay tilmaam u tahay in haddii la is kaashado wax walba la qabsan karo la iskuna tashan karo.

Guddoomihii gudiga culimada ee dowlada Puntland u xilsaartay dhimaha Buundada Midigar ee Sunijiif Sh Mxamuud Xaaji Yuusuf oo ayaa mahad balaaran u jeediyey cid walba oo ka qayb qaadatay dhismaaha Buunadadaan isagoo ugu baaqay.

Culimo’udiin uu horkacayo Sh Maxamuud Xaaji Yuusuf iyo Madaxweynaha dowladda Puntland Dr C/weli Maxamed Cali Gaas ayaa bishii julay 31-deedii 2014 xariga ka jaray dhismaha Buundada Midigar ee Sunijiif ka dib markii ay sanad ka hor roobab mihiigaan ah oo wata duufaan ay burbur xooggan u geysteen Buundada Midigar ee Sunijiif .

no images were found

M_M_Deeq
Halgan.net