Baarlamaanka DFS oo maalinta berri la hor-geynayo Ra’iisul Wasaarahe Sharmaarke (Masawiro)

Muqdisho:-Kulan ay galabta isigu yimaadeen guddiyada Joogtada ee Barlamaanka DFS oo uu shir gudoominayey Gudoomiyaha Baarlamaanka Maxamed Sheekh Cusmaan (Jawaahir) ayaa waxaa looga hadlay waqtiga la hor-keenayo,oo uu kalsoonida weydiisanyo Raisulwasaare Cumar C/rashiid golaha shacabka waxaana ay gudiga isku raaceen in maalinta birito ah 24-12-2014  uu Raisulwasaaraha DFS uu horyimaado golaha baarlamaanka.

C/kariim Xaaji Cabdi (Buux) Xoghayaha Baarlamaanka Soomaaliya oo la hadlay saxaafada ayaa sheegay in Ra’iisul Wasaaraha uu maalinta berri baarlamaanka uu weydiisan doono codka kalsoonida.

Xoghayaha Baarlamaanka DFS ayaa yiri ” maalinta berito ayaa baarlamaanka la hor keenayaa Ra’iisul Wasaare Cumar Cabdirashiid, si xubnaha baarlamaanka ay codka kalsoonida ugu qaadaan”.

Ra’iisul Wasaare Cumar Cabdirashiid ayaa waxaa uu kulamo wadatashi ah uu la lahaa isbuucan xildhibaanada DFS iyo wakiilo ka socda beesha Caalamka.

no images were found

Kulanka ay yeesheen maanta guddiyada Joogtada ee Barlamaanka Soomaaliya ayaa waxaa uu ka dhacay Xarunta Villa Hargeysa ee magaalada Muqdisho.

A/Cawale
Halgan.net