Ciidanka Itoobiya iyo Kenya oo garabsanay Soomaali oo qabsaday degmada Baardheere

Baardheere:-Ciidamo Itoobiyaan iyo Kenyaan ah oo garabsanaya ciidamo Soomaali ah ayaa waxaa ay saaka duulaan ku qaadeen degmada Baardheere oo ay gacanta ku hayeen ciidanka Al-shabaab, Ciidanka ururka Al-shabaab ayaa saaka iskaga baxay magaalada balse inta aysan ka bixin magaalada ayaa waxaan ay dhowr jeer dagaalo ku dhufo oo ka dhaqaaq ah ku qaadeen ciidamada huwanta ah ee ku sii jeeday in ay qabsadaan degmada Baardheere.

Degmada Baardheere ayaa wax dagaal ah uusan ka dhicin balse waxaa lagu soo waramayaa in magaalada lagu dilay labo qof oo rayid ah oo mid ka mid ah uu yahay Nabadoon lagu magacaabi jirey Maxamed C/lahi Cismaan oo dilkiisa lagu eedeeyey Al-shabaab.

Wararka kale oo ka imaanaya Gobolka Bakool ayaa sheegaya in Ciidamo Itoobiyaan ah oo garabsanaya kuwa Soomaali ah ayaa duulaan u soo ah 20 jirow iyagoo deegaano dhowr ah oo ku yaal Gobolka Bakool qabsaday waxaan ay doonayaan in ay gaaraan degmada Baardheere.

Sh Mukhtaar Roobow Abu Mansuur ayaa waxaa uu in mudo ah uu ku sugnaa Gobolka Bakool iyo Bay deegaano ku yaal halkaas oo uu ku lahaa saldhig ay ku sugnaayeen ciidamo daacad u ah, Cidamada Al-shabaab ayaa isku fidiyey dhulka howdka iyagoo qorshaynaya in dagaal ku dhuf oo ka dhaqaaq ah ay ku qaadaan ciidanka Itoobiyaanka ah iyo kuwa Kenya.

A/cawaale
Halgan.net