Axmed Maxamed Islaam oo noqday mar 2aad Madaxweynaha J/land (Masawiro)

Kismaayo:-Axmed Maxamed Islaam (Axmed Madoobe) ayaa ku guuleystay doorashadii Madaxweynaha Maamulka Jubbaland, kadib markii uu helay wareegii koowaad 68 cod waxaana la tartamayey 3 musharax,

Xildhibaanada baarlamaanka Maamulka Jubbaland oo gaaraya 74 xildhibaan ayaa waxaa ay codka u dhiibanyeen si xamaasad leh waxaana laga wada daawanayey qaar ka mid ah TV.yada Soomaalida.

Saddexda musharax kale ee la tartamayay Axmed madoobe ayaa labo ka mid ah waxay heleen mid labo cod, halka midka 3aad uusan wax cod ah helin waxaana ay dhamaan hambalyo u direen Madaxweynaha Juba land Axmed Madoobe.

Guddoomiyaha Baarlamaanka Jubbaland ayaa ku dhawaaqay natiijada codka, isagoo sheegay in Axmed Maxamed Islaam (Axmed Madoobe uu helay 68 cod sidaana uu ku yahay Madaxwynaha rasmiga ee Jubaland.

no images were found

Guddoomiyaha Baarlamaanka Jubbaland ayaa Markii uu dhawaaqay in Axmed Madoobe uu ku guuleystay Madaxweynaha Jubbaland waxaa hal mar is qabsaday magalooyinka Jubaland qaar ka mid ah dabaal degyo waxaana si weyn looga dareemay magaalada Kismaayo ee xarunta goblka J/ hoose.

Intaas ka dib ayaa waxaa Guddoomiyaha Baarlamaanka Jubbaland uu u dhaariyey Madaxweynaha Jubaland Axmed Maxamed Islaam (Axmed Madoobe).

Cabdi Yare
Kismaayo