Faahfaahin Weerar lagu qaaday ciidanka J/land oo geystay khasaaro kala duwan

Kismaayo:-Wararka naga soo gaaraya magaalada Kismaayo ee xarunta gobalka J/hoose ayaa sheegaya in weerar is miidamin ah lagu qaaday xarunta Jaamacada Kismaayo oo ay ku sugnaayeen ciidamo ka tirsan kuwa Jubbaland halkaas oo tababar uga socday.

Warar hordhac ah oo ay heshay Halgan.net ayaa sheegaya in 9 ka tirsan ciidanka J/land iyo 3 askari oo ka tirsan AMISOM ay ku geeriyoodeen weearka halka 20 kale ay ku dhaawacmeen.

Wararka laga helayo magaalada Kismaayo ayaa sheegaya in shaqsiga is qarxiyey uu ahaa sarkaal ciidan oo xerada laga yaqaanay waloow arinkaas aysan wili xaqiijin masuuliinta Maamulka J/land.

Ciidanka J/land iyo kuwa AMISOM ayaa soo gaaray Goobta qaraxu ka dhacay waxaana ay howlgalo ay fuliyeen ay ku qabteen 4 qof sida uu warbaahinta u xaqiijiye Col. Axmed Caato oo ah ku xigeyn Taliyaha Ciidamada Isku dhafka ah.

Weerarka lagu qaaday ciidanka J/land ayaa waxaa cambaareeyey Raisulwasaaraha DFS iyo Madaxweynaha J/land Axmed Maxamed Islaan (Axmed Mad00be).

Weerarka ayaa waxaa sheegtay Kooxda Al-Shabaab in ay iyagu fuliyeen .

Cabdi Yare
Kismaayo