.gif)
Madaxweyne Dr.Gaas oo Kulan la qaatay saraakiisha Ammaanka , Garsoorka iyo Maamulka Gobolka Mudug.[Masawiro]
August 13, 2015 - Written by Editor
Gaalkacyo:-Madaxweynaha Dawladda Puntland Dr.Cabdiweli Maxamed Cali Gaas ayaa maanta oo ay taariikhdu tahay 13-8-2015 Qasriga uu ka deganyahay magaalada Gaalkacyo ee xarunta Gobolka Mudug kulan kula qaatay saraakiisha amaanka , Garsoorka iyo maamulka Gobolka Mudug.
Shirka ayaa mudadii uu scoday madaxweynuhu warbixino ka dhagestay laamaha amaanka iyo maamulka Gobolka Mudug, waxaana ay ka xogwarameen xaaladda guud amaan ee Gobolka , kaasi oo ay sheegeen inay tahay mid degen, adeega dawladana uu si habsami leh uga soconayo.
Sidookale Saraakiisha amaanka ayaa dhankooda kullanka ka sheegay in amaanka Gobolka Mudug si wacan laamaha amaanku ugu howlgalayaan xiliyada maalintii iyo habeenkii , waxaana socda dadaalo lagu horumarinayo dhanka amaanka.
Madaxweynaha Dawladda Puntland Dr.Cabdiweli Maxamed Cali Gaas ayaa qeybaha kala duwan ee buslhada Gobolka Mudug ugu baaqay in ciidanka amaanka ay la shaqeeyaan , kuna soo wergeliyaan falkasta oo lidi ku ah amaanka Dalka .
-DHAMMAAD-
