Dagaal saaka beelo oodwadaag ah ku dhexmaray deegaanka Qorilay ee gobolka Sool

Laascaanood:-Wararka naga soo gaaraya magaalada Laascaanood ee xarunta  Gobolka Sool ayaa sheegay in saaka la keenay Cusbitaalka magaalada Laascaanood dhawacyo dhowr qof ah ka dib dagaal dib uga qarxay deegaanka Qorilay ee gobolka Sool. Dagaalkan ayaa waxaa uu u dhexeeya laba beelood oo ood wadaag ah kuwaaso mudo dheer colaadi ka dhexeysay ayna socotay dhexdhexaadintooda.

Dagaalka ayaa dhacay saaka waxaan uu ka dhacay duleedka dhinaca Koonfureed ee Qorilay oo ilaa 70 km dhan koonfureedka kaga beegana magaalada Laascaanood ee xarunta Gobolka Sool.

Dhinac kale warar kale ayaa sheegay in dhaawacyo kale loo qaaday dhinac magaalada Gaalkacyo ee xarunta Gobolka Mudug , Culimada , Issimada yo waxgaradka labad beelood ee walaalaha ah ayaa waxaa ay wadaan dhex dhexaadin si loo qaboojiyo in dagaal kale uusan dib danbe u dhicin.

no images were found

Warka oo faahfaahsan dib ayaan idinkaga soo gudbin doonaa haddii alle idmo

M_M_Deeq
Halgan.net