Madaxweyne ku xigeenka Puntland oo kormeeray xerada ciidamada Daraawiishta Ee 54 aad.(Masawiro).

Garoowe:-Madaxweyne ku xigeenka Puntland Eng.C/xakiin Cabdulaahi Xaaji Cumar Camey ayaa maanta kormeer ku tagay xerada ciidamada Daraawiishta ee 54aad ee Garoowe waxaana ujeedada kormiirkiisa ay ahay dhagaysiga cabashooyin dhanka mushaharka la xariira .

Madaxweyne ku xigeenka Puntland ayaa waxaa ku soo dhaweeyey xerada 54aad ee magaalada Garoowe Taliyaha guud ee ciidamada difaaca Puntland Jen Saciid Maxamed Xirsi ( Saciid Dheere) iyo Taliye xigeenka ciidamada difaaca Puntland Jen Deyr Xaaji iyaga oo warbixino kala duwan siiyey Madaxweyne ku xigeenka Puntland.

Madaxweyne ku xigeenka Puntland Eng.Cabdixakiin Cabdulaahi Xaaji Cumar Camey ayaa salaan sharaf ka qaatay Cutubyo ka tirsan ciidanka daraawiishta Puntland eeku sugan xerada 54aad.Taliye xigeenka ciidamada difaaca Puntland Jen Deyr Xaaji ayaa warbixin kooban siiyey Madaxweyne ku xigeenka Puntland isaga oo uga waramay xaalada ciidanka iyo waxyaabaha ay tabanayaan .

Madaxweyne ku xigeenka Puntland Eng.Cabdixakiin Cabdulaahi Xaaji Cumar Camey ayaa balan qaaday in ay wax ka qaban doonaan cabashooyinka ka soo yeeray ciidanka.Taliyaha guud ee ciidamada difaaca Puntland Jen Saciid Maxamed Xirsi ( Saciid Dheere) oo isana ka hadlay goobta ayaa sheegay in ciidamada daraawiishta Puntland ay lafdhabar u yihiiin amaanka Puntland wuxuuna sheegay in guulo badan ay ka soo hoyeen howlgalo badan oo ay ku qaadeen kooxaha lidka ku ah amaanka Puntland wuxuuna ugu baaqay madaxda Puntland in wax laga qabto cabshooyinka ciidanka .

no images were found

Madaxweyne ku xigeenka Puntland Eng.Cabdixakiin Cabdulaahi Xaaji Cumar Camey ayaa balan qaaday inay wax ka qabanayaan cabashada ciidanka ee dhanka mushaharka wuxuuna amaanay ciidanka daraawiishta Puntland oo ku howlan sugida amaanka deegaanada Puntland.

M_M Deeq
 Halgan.net