Imtixaankii Gabagabada ee Jaamacada Bariga Afrika Qaybteeda Buuhoodle oo maanta La soo xiray.[Masawiro]

Buuhoodle:-Imtixaankii Gabagabada ee Jaamacada Bariga Afrika Qaybteeda Buuhoodle ayaa maanta si rasmi ah loogu soo Gabagabeeyey Xarunta Jaamacada Bariga Afrika Qaybteeda degmada Buuhoodle ee Gobolka Cayn waxaana Imtixaanka galay Arday wax ka barta qaybaha kala duwan ee Jaamacada Bariga Afrika faraceeda Buuhoodle.

Imtixaanka ayaa Waxaa uu ka soconayey Xarunta Jaamacada Maalmihii lasoo Dhaafay iyadoo uu ahaa Imtixaankii ugu danbeeyey ee Sanadka oo Ardaydu ku Qalin Jabin Doonto. Maamulka Jaamacada iyo Ardayda ayaa ahaa kuwo ku Faraxsan Imtixaanka Jaamacada waxaana wajiyadooda ka muuqatay walwal la aan.

Sh.Axmed Maxamed Samatar oo ku hadlayey Xafiiska Imtixaanaadka Jaamacada oo Warbaahinta la hadlay ayaa sheegay inuu ku Faraxsan yahay in Rabi Mahadiis Imtixaanku uu u soo gabagaboobo. Madaxa Jaamacada Bariga Afrika Qaybteeda Buuhoodle Cabdi Shaafi Axmed Cali ayaa ka mid ahaa Masuuliyiintii maanta Goob Jooga ka ahaa Habsami u socodka Imtixaanka Jaamacada.

Dhanka kale Waxaa maanta Jaamacada soo Booqday Qaar ka mid ah Qurba Joogta Deegaanka kuwaas oo indha indheyeey Horumarka ay Jaamacadu samaysay Mudadii Koobnayd ee ay Deegaanka ka Hawl galaysay.

Ugu Danbayntii Qurba Joogantan ayaa Warbaahinta la Hadlay iyagoo sheegay in ay ku Faraxsan yihiin Horumarka Jaamacada dhanka kalena Baaq u Diray Qurba Joogta Deegaanka kuwaas oo ay ka cod sadeen in Jaamacada dhan kasta laga taageero.

no images were found

En Mawliidd Isma Haradigeed
Lascaanood,Halgan.net