Maamulka cusub ee Mu’asasada Al-Minhaaj (faraca Galdogob)oo la magacaabay

Shir ay isugu yimaadeen qaybaha ugu muhiimsan ee goloyaasha iyo xubnaha Muassasada ayaa galabnimadii Jimceha 18/08/2017 ka dhacay xarunta Mu’asasada.

Shirkaan oo qabanqaabadiisa ay lahaayeen culumada golaha ta’siiska ee Muasasada, ayey uga dhawaaqeen Gudoomiyaha cusub ee mu’asasada Sh. Farxaan Axmed Busur oo kamid ahaa culumadii dhawaan kasoo qalin jabisay machadka sare ee ducaada Hargaysa.

Doorashadaan ayaa timid, kadib wadatashiyo iyo kulamo usoo socday golayaasha Muassada afartii bilood ee ugu danbaysay oo aad arintaan loogu lafaguray.

Dhamaan xubnihii goobta soo xaadiray ayaa Shiikha taageeray Allaahna uga baryey inuu u fududeeyo muhimada loo igmaday.

Halka maamulkii hore ee muasasadu uu u wareegay hawl-wadeenada guud ee jaamacadda bariga africa.

Waxaana loo rajaynayaa maamulka cusub inuu la yimaado dardar cusub asagoo sheekhu kamid yahay ragga aadka loogu hanwayn yahay, oo bulshada reer Galdogob uga tilmaaman hal-abuur, hufnaan adeega bulshada iyo dadaalka khayrka.

Mu’asasada Al-Minhaaj
(faraca Galdogob)
Halgan.net