Ciidamada Puntland oo xalay iyo saaka howlgalo ka fuliyey magaalada Gaalkacyo

Gaalkacyo:-Ciidamada Booliska iyo Daraawiishta Puntland ayaa xalay iyo saaka howlgalo culus ka fuliyey xaafadaha ay ka kooban tahay magaalada Gaalkacyo ee xarunta gobalka Mudug waxaana ay howlgaladaas ku soo qabteen dad tiro badan.

Taliyaha qeybta booliska ee gobolka Mudug Jamaac Maxamed Axmed ayaa sheegay in howlgaladan ay ku baacsanayaan kooxaha amni xumada ka wada magaalada Gaalkacyo ka dib markii dil loo geystay Marxuum Gaboobe Aadan Dalab oo ka mid ahaa Nabadoonada magaalada Gaalkacyo waxaana uu sheegay in la soo qabtay dad looga shakisan yahay dilka alaha u naxariistee  Gaboobe Aadan Dalab .

Howlgalada ay xalay iyo saaka fuliyeen ciidamada amaanka ee magaalada Gaalkacyo ayaa ku soo aaday xili shalay uu baaq u jeediyey ciidanka amaanka guddoomiyaha gobolka Mudug Maxamed Yuusuf Jaamac (Tigey)isaga oo  ugu baaqay in ay foojignaadaan oo ay amaanka cida wax u dhimeysa ay wax ka qabtaan.

M_M Deeq
Halgan.net