Raafkii ugu balaarna oo saaka ka socda xaafadda Islii ee magaalada Nairobi.

Nairobi:-Saaka markii waagu baryay ayaa laga soo bilaabo xaafadda Section 3 , waxaa soo galay ciidamo aad u badan, kuwaasoo gur walba galayay, waxaana ay baarayeen qolalka, waxaana dad badan noo xaqiijiyeen in askartu wixii fudud ay qaadanayeen sida taleefoonada qaaliga ah, computerada gacanta lagu qaato, lacago iyo agabyo kale.

Ciidanka ayaa saf balaaran ku soo socday iyadoo howlgalladu ahaayeen kuwa aan horey loo arag, walow xalay laga yara nastay haddana saaka ayaa dadku falalkan fajaciso ku noqdeen.

Ilaa iyo hadda tiro ahaan looma garanayo dadka la qabqabtay inta ay le’eg yihiin, walow dadka intooda badan lacago guryahooda looga qaadanayay oo laga tagayay hadda gawaarida dad badan in la saartay ayaa la sheegayaa.

Howlgalkan ayaa waxa uu imaanayaa xilli shalay uu madaxweynaha dalka Kenya, sheegay iney dib u eegayaa qoxootiga dalkiisa ku sugan, isla shalayna xildhibaannada Soomaalida ee baarlamaanka Kenya ku jira ayaa Soomaalida u sheegay inaaney u dul qaadaneyn dulmiga lagu hayo.

Halgan.net/Somalireal