Qarax caawa ka dhacay Xaafada Islii ee magaalada Nairobi [Video]

April 23, 2014 - Written by Editor

Nairobi:-Qaraxa ayaa la sheegayaa in loo adeegsaday gaari, waxaana uu ka dhacay saldhigga Bangani, ee ay aadka u taqaano Soomaalida magaalada Nairobi.

Wararka ilaa iyo hadda soo baxaya ayaa sheegaya in ilaa 4 qof la rumeysan yahay iney ku dhinteen, waxaana wararku intaas ku darayaan in laba ka mid ah ay yihiin ciidanka bileyska ee saldhigga, waxaana wararkaas sii daayay qaar ka mid ah taleefhishinnada dalka Kenya.

Waxaa soconaya baaritaan, iyadoo xaaladdu aad u cakiran tahay, waxaana la sheegayaa in saldhigga Bangani, ay soo gaareen saraakiil sare oo ammaanka Kenya ka mid ah.

Qaraxan, ayaa waxa uu imaanayaa xili dhawaanahan xaafadda Islii, uu ka soconayay howlgal balaaran oo lagu qabqabtay kumayaal qof oo Soomaali u badan, waxaana laga baqanayaa saameynta uu qaraxan kusii yeelan karo Soomaalidii horeyba dhibka ugu qabtay ciidanka ammaanka dalka Kenya.

Hoos ka Daawo Qaraxa caawa ka dhacay Afaafka hore ee Saldhiga Bangani ee xaafada Islii