Ciidanka Daraawiishta Puntland oo weeraray fariisamo ku yaala Buuraha Golis

Boosaaso:-War naga soo gaaray magalada Boosaaso aya waxaa uu sheegay in ciidanka daraawiishata Puntland ay saaka howlgalo iyo weeraro ka fuliyeen Buuraha Golis iska horimaadna uu dhex maray ciidamo ka tirsan Al-shabaab. Wararka soo baxay oo aad u kooban ayaa sheegay in ciidanka Daraawiishta Puntland ay weerar ku qaadeen fariisamo ay Buuraha Golis ku lahaayeen Ciidanka Al-shabaab ka dibna uu iska horimaad xooggan uu dhexmaray walow aan ilaa hadda la ogaan karin khasaaraha soo kala gaaray labada dhinac.

Saraakiisha Ciidanka daraawiishta ee dowladda Puntland ayaa la filayaa in ay saxaafadda la hadli doonaa iyagoo ka warbixin doona howl galada ay ka fuliyeen Buuraha Golis iyo khasaarah ka dhashay.

Howl galada ay saaka ka fuliyeen ciidanka Daraawiishta ee Puntland Buuraha Golis ayaa ku soo beegmaya xili shalay ay ciidanka daraawiishta Puntland ay howlgalo lagu sugayo amaanka ka fuliyeen magaalada Boosaaso iyaga oo gacanta ku dhigay dhalinyaro lagu eedeeyey in ay amaan xumi ka wadaan Boosaaso

Warka oo faahfaahsan dib baan idiinka soo gudbin doonaa inshalaah

M_M_Deeq
Halgan.net