Shirweynaha wadatashiga Puntland ee ka socday magaalada Gaalkacyo oo galay maalintii 3aad

Gaalkacyo:-Shirweynaha wadatashiga Puntland ee ka socoda magaalada Gaalkacyo ee xarunta gobalka Mudug ayaa galay maalintii 3aad iyadoo ay ka soo qeyb galayaan ergooyin ka kala yimid gobalada Puntland. Shirweynaha wadatashiga Puntland ayaa waxaa si rasmi ah uga furay magaalada Gaalkcayo ee xarunta gobalka Mudug Madaxweynaha Puntland Dr. Cabdiweli Maxamed Cali Gaas .

Shirweynaha wadatashiga Puntland oo galay maalintii 3aad ayaa waxaa shalay ku soo biiray ergooyin , wasiiro ka tirsan golaha xukuumada Puntland iyo qaar ka mid ah Xildhibaanada dowladda Puntland.

Madaxweynaha Puntland Dr. Cabdiweli Maxamed Cali Gaas iyo waxgaradka ku sugan Shirweynaha wadatashiga Puntland ayaa ugu baaqay in ergooyinka ka qayb galay shirka in shirka uu noqdo mid lagu adkeynayo  wadajirka bulshada Puntland ,Xalinta Khilaafaadka ,iyo hirgelinta nidaamka xisbiyada badan.

Wararka ugu danbeeyey ee naga soo gaaraya magaalada Gaalkacyo ee xarunta gobalka Mudug ayaa sheegaya in Shirweynaha wadatashiga Puntland uu sii socon doono ilaa 29 bishan .

Wixii soo kordha kala soco Halgan.net

M_M_Deeq
Halgan.net